Шестото коло од Суперлигата носи неколку интересни натпревари, а во центарот на вниманието ќе биде обидот на Работнички да ја продолжи совршената серија и да остане осамен на врвот на табелата.
Најтрофејниот тим во македонското првенство досега е единствен без пораз во шампионатот. Пет натпревари, пет победи и максимални 10 бодови е билансот со кој избраниците на Владимир Мирковски го дочекуваат следниот предизвик. Во Градски парк ќе гостува Кожув, екипа која има амбиции да му ги помати сметките на лидерот, иако во претходното коло загуби од Куманово.
Работнички влегува во натпреварот со голема самодоверба по победата над Скопје од 89-79, со која ја потврди одличната форма. Тимот на Владимир Мирковски е без пораз на домашен терен откако се врати во Градски парк и ќе се обиде денеска да ја продолжи својата серија.
Интересно ќе биде и на вториот скопски натпревар, каде МЗТ Скопје ќе му гостува на Скопје во „Јане Сандански“. Станува збор за реприза на минатогодишното финале, во кое овие два тима се бореа за шампионската титула. Шампионот моментно е второпласиран со четири победи и еден пораз, па нема простор за нов кикс ако сакаат да го задржат чекорот со Работнички.
Програмата во недела ќе започне со дуелот меѓу Струмица и Тиквеш, две екипи кои досега имаат идентичен учинок. Во Битола, Пелистер ќе го пречека Штип, кој во претходното коло ја забележа првата победа во сезоната и сигурно ќе сака да ја продолжи позитивната серија. Шестото коло ќе биде комплетирано утре, кога ТФТ ќе се соочи со Куманово.
РАСПОРЕД НА НАТПРЕВАРИТЕ
ДЕНЕСКА
17:00 Струмица – Тиквеш
18:00 Работнички – Кожув
19:00 Пелистер – Штип
19:00 Скопје – МЗТ Скопје
УТРЕ
19:00 ТФТ – Куманово


