Во поголемиот дел од сезоната, Лука Дончиќ беше во сенка на играчи како Виктор Вембанјама, Шеј Гилџес Александар и Никола Јокиќ. Тоа сега се менува.
Словенечката суперѕвезда дефинитивно влезе во трката за најкорисен играч среде импресивната серија на Лејкерси. На натпреварот против Кливленд Кавалирс, Лејкерс победија на 12 од последните 13 натпревари, а во тој период, Дончиќ беше апсолутно неверојатен. Го заврши првото полувреме со 20 поени, до крајот на третата четвртина имаше 35, а натпреварот го заврши со 42. Со својот 21. поен, тој го собори рекордот на Лејкерс за постигнати поени во еден календарски месец, надминувајќи го претходниот рекорд на Коби Брајант од 578 поени.
Luka Doncic has passed Kobe Bryant for most points in a single month in Lakers History 🤯🪄 pic.twitter.com/wkOPpu2gxl
— LakeShowYo (@LakeShowYo) April 1, 2026
Рекордниот месец на Брајант беше исто така март, пред 20 години – во 2006 година. Дополнително, рекордот беше срушен и покрај тоа што Дончиќ отслужи суспензија од еден натпревар поради неговата 16. техничка грешка во сезоната. Покрај ова, Дончиќ, исто така, дојде до уште едно големо достигнување и јубилеј во НБА – 15.000 поени како трет најмлад кошаркар во историјата кому му успеало тоа, зад Леброн Џејмс и Кевин Дурант.
Per Lakers: Luka Doncic becomes the third-youngest player in NBA history to hit 15K.
1. LeBron James — 25 years, 79 days
2. Kevin Durant — 26 years, 78 days
3. Luka Dončić — 27 years, 31 days
4. Kobe Bryant — 27 years, 136 days
5. Wilt Chamberlain — 27 years, 156 days— Benjamin Royer (@thebenroyer) April 1, 2026
Лејкерс победија со 127-113 за 50. победа во сезоната, со што станаа петтиот тим што го постигнал тој подвиг. Како резултат на поразот Санс од Меџик, Лејкерс официјално го обезбедија пласманот во плејофот, најверојатно од третата позиција бидејќи имаат две победи повеќе од Денвер, на шест меча до крајот на официјалниот дел на сезоната.
РЕЗУЛТАТИ
Орландо – Феникс 115-111
Бруклин – Шарлот 86-117
Детроит – Торонто 127-116
Хјустон – Њујорк 111-94
Милвоки – Далас 123-99
ЛА Лејкерс – Кливленд 127-113
ЛА Клиперс – Портланд 104-114


