По самитот на Евролигата во Барселона, сликата за учесниците во следната сезона е речиси целосно јасна. Единствената дилема е околу последното место, кое треба да го заземат Монако или Бешикташ.
Друштвото на најдобрите ќе започне нова ера на 1 јули со воведувањето на франшизи, кога 13 ко-сопственици ќе преминат на овој бизнис модел. Тоа се Олимпијакос, Реал Мадрид, Фенербахче, Панатинаикос, Барселона, Басконија, Макаби Тел Авив, Анадолу Ефес, Олимпија Милано, Жалгирис, Баерн Минхен, Асвел и ЦСКА Москва. Покана за приклучување кон ова одбрано друштво неодамна добија Партизан и Црвена Звезда од Белград.
Ова е само почеток на голем план кој вклучува проширување на 30 учесници. Првиот чекор треба да се случи во сезоната 2027/2028 со проектирани 24 клуба, додека второто проширување треба да стапи на сила во 2028 или 2029 година. Исто така, може да се слушне дека растот на 24 тима би отворил врата за уште еден директен учесник од Еврокупот. Можност да влезе во елитата би имал поразениот тим во финалето. Крајната цел е до 2030 година лигата да брои 30 клуба, колку што во моментов има НБА лигата.
Првото проширување треба да донесе 400.000.000 евра во Евролигата, што ќе донесе 30.000.000 евра на секоја од сегашните 13 франшизи. Не е изненадувачки што има многу заинтересирани за таков статус, а генералниот менаџер Чус Буено откри дека повеќе од 17 клуба покажале интерес.
Евалуацијата на потенцијалните нови франшизи ќе започне во првата недела од јули, кога Евролигата ќе сподели информации и детали со клубовите, градовите и потенцијалните инвеститори.


