Актуелниот шампион во НБА лигата Оклахома Сити Тандер ја оствари 13. победа по ред и вкупно 19. во сезоната откако утринава славеше во дербито со Голден Стејт на гостински терен со 124-112.
Се чинеше дека победникот е решен во првото полувреме во кое гостинот имаше водство од 19 разлика, шампионот ја преживеа фантастичната трета четвртина во која Вориорс постигнаа 44 поени. Домаќините во последниот квартал дури и поведоа со четири разлика (103-99), но по 107-106 за Голден Стејт, Оклахома го затвори мечот со 18-6 и стигна до нов триумф со кој се бетонира на првото место во Западната конференција.
Гилџес Александер со 38 поени го предводеше гостинскиот тим, а на ниво беа и Вилијамс кој постигна 22 и Холмгрен со 21 поен.
Подзиемски беше најефикасен во тимот на Голден Стејт со 17 поени, но навивачите на поранешниот шампион се загрижени поради состојбата на Стеф Кари кој денеска постигна 14 поени, а играше само 18 минути. Тренерот Стив Кери по мечот изјави дека тој нема да патува на турнејата низ Источната конференција и ќе добие одмор од една недела бидејќи се чувствува изморен.
РЕЗУЛТАТИ
Филаделфија – Вашингтон 121-102
Торонто – Портланд 121-118
Бостон – Њујорк 123-117
Њу Орлеанс – Минесота 142-149
Сан Антонио – Мемфис 126-119
Голден Стејт – Оклахома 112-124


