Една од најголемите трансфер саги во НБА конечно заврши, со крај кој беше најверојатен последните недели.
Според информациите објавени од познатиот НБА инсајдер Шемс Чаранија Милвоки и Мајами постигнаа договор за голема размена според која Јанис Адетокунбо ќе се пресели во Флорида, заедно со искусниот крилен центар Боби Портис.
BLOCKBUSTER: The Milwaukee Bucks are trading franchise icon Giannis Antetokounmpo and Bobby Portis to the Miami Heat for Tyler Herro, Kel'el Ware, Jaime Jaquez Jr., Kasparas Jakucionis, 3 first-round picks (including No. 13), 1 pick swap and 1 second-rounder, sources tell ESPN. pic.twitter.com/NQT5ZhdJU9
— Shams Charania (@ShamsCharania) June 23, 2026
Во спротивна насока, заминуваат Тајлер Хиро, Келел Вер, Хаиме Хакез Џуниор и Каспарас Јакучионис, овогодинешниот 13. пик, како и значаен пакет идни избори на драфтот. Според Чаранија, Бакс ќе добијат незаштитени пикови од првата рунда на драфтот во 2031 и 2033 година, право на размена на пикови од првата рунда во 2030 година и пик од втората рунда во 2033 година.
Заминувањето на Адетокунбо означува крај на една ера во Милвоки, каде што тој прерасна во икона на франшизата повеќе од една деценија и ги водеше Бакс до титулата во НБА во 2021 година. Во исто време, Мајами добива играч околу кого веднаш може да гради шампионски амбиции.
Трејдот, кој веќе се нарекува еден од најголемите во последните години, би можела значително да го промени балансот на моќ во Источната конференција и да го врати Мајами меѓу главните претенденти за шампионски прстен.


