Српскиот репрезентативец Алексеј Покушевски повеќе не е кошаркар на Партизан, откако двете страни постигнаа договор за раскин на соработката. Со тоа завршува неговата епизода во црно-белиот дрес, во кој пристигна пред две години од НБА.
Според српските медиуми, Покушевски веќе има неколку понуди на маса, а како најреална опција се спомнува враќање во НБА, каде претходно настапуваше за Оклахома, Шарлот и Њу Орлеанс. Интерес за него покажуваат и неколку евролигаши, но Србите тврдат дека најреално е да заигра во Еврокупот, во тимот на ПАОК.
Иако во Партизан пристигна како големо засилување, честите проблеми со повреди и неконстантната форма не му дозволија да го покаже целиот свој потенцијал, па клубот и кошаркарот решија да тргнат по различни патишта.
Aleksej Pokuševski će karijeru nastaviti u drugom klubu. U okviru predviđenog roka klub je doneo odluku da ne aktivira dodatnu godinu ugovora, pa je doskorašnji zamenik kapitena na taj način postao slobodan u izboru nove sredine.
Poku, tvoj Partizan ti želi mnogo sreće i uspeha… pic.twitter.com/2v6e9WpdZf
— KK Partizan Mozzart Bet (@PartizanBC) July 21, 2026
Партизан летово остана без деветмина кошаркари од својот ростер, а засега е претставен само Кевариус Хејс кој дојде од Монако.


