Дебито на Виктор Вембанјама во плејофот помина совршено. Французинот и Сан Антонио Спарс извојуваа убедлива победа од 111-98 над Портланд во првиот натпревар од серијата.
Центарот имаше 35 поени и пет скока за да го предводи тимот до победа во Фрост Бенк Центарот, кој беше преполн со навивачи на Спарс. Атмосферата беше совршена за моментот – со оглед на тоа што ова беше првиот натпревар од плејофот за тимот од 2019 година. Вембанјама не губеше време на своето деби, постигна 21 поен само во првото полувреме, поставувајќи НБА рекорд за поени во првото полувреме од дебито во плејофот и ги испрати Спарс во соблекувалната со двоцифрена предност. Тој го сруши претходниот рекорд од 20 поени што го држеа Кајри Ирвинг и Брендон Џенингс.
Шутираше импресивни 8-13 од теренот во првите 24 минути и направи по малку од сè со леснотија – вклучително и пресинг на целиот терен за да постави моќно забивање во првата четвртина.
🏆 PLAYOFF BRACKET 🏆
— NBA (@NBA) April 20, 2026
The @celtics, @okcthunder, @OrlandoMagic and @spurs start their series strong with 1-0 leads.
The NBA Playoffs presented by @Google continue Monday with 3 games on NBC and Peacock! pic.twitter.com/E7sFhogeiv
Овие 35 поени на Вембанјама се најмногу постигнати од играч на Спарс во дебито во плејофот на НБА иако се далеку од апсолутниот рекорд на Лука Дончиќ од 42 поена. Досегашен рекордер на Спарс беше Тим Данкан кој во 1998 година против Феникс Санс постигна 32 поена. Вембанјама ноќеска беше номиниран и за финалист за наградите Дефанзивец на годината и МВП.
РЕЗУЛТАТИ
Сан Антонио – Портланд 111-98
Детроит – Орландо 101-112
Оклахома – Феникс 119-84
Бостон – Филаделфија 123-91


