Синоќешниот триумф против Клиперс го потсети Никола Јокиќ на еден натпревар од Евролигата, одигран пред 15 години.
На завршниот турнир во Париз, Партизан имаше голема шанса да се пласира во големото финале, водеше против Олимпијакос до последната секунда, а потоа мало внимание ги чинеше пораз. Теодосиќ шутна во очај, го промаши целиот кош, но топката ја дофати Џош Чилдрес кој погоди и го одведе мечот во продолжение.
Jokic mentioned that the same AG dunk happened in the 2010 Euroleague Final 4 Semifinal between Olympiakos and Partizan. 2.6 sec left vs a buzzer beater. But here they are side by side. #Nuggets pic.twitter.com/cA7nHahFoP
— will jones ⚒️ (@Will_d_jones) April 27, 2025
„Мојот шут не беше додавање. Не знам колку сте запознати со Евролигата, но Теодосиќ го направи истото, го промаши цел кош, па Чилдрес погоди и победија против Партизан. Одамна беше тоа, можам да ви помогнам да напишете цела приказна“, рече Јокиќ за натпреварот во кој учествуваше и поранешниот македонски репрезентативец Лестер Бо Мекејлеб.
Тој тогаш имал 15 години и веројатно никој не ни замислувал дека деценија и пол подоцна ќе биде најдобар светски кошаркар.


