Сопственикот на Панатинаикос Димитрис Јанакопулос повика на оставка од целиот тренерски персонал во тимот, почнувајќи од Ергин Атаман.
Поводот за тоа беше денешниот пораз во Солун од Арис по продолженија (95-102), во рамките на грчкото првенство со што ПАО ги загуби шансите за првото место по основниот дел од сезоната бидејќи сега заостанува две победи зад лидерот Олимпијакос.
„Тренери, главен тренер, помошници тренери, сите! Секој еден. Немате поим каде играте, а? Ова е Панатинаикос. Се надевам дека кога ќе се вратите во Атина, ако имате храброст да се вратите во Атина, сите ќе поднесете оставка. И сите играчи заедно. Играчи, главен тренер, помошници тренери – не сте нормални. И кога ќе се вратите во Атина, сите ќе поднесете оставка. Срам да ви е.
Panathinaikos Başkanı Dimitris Giannakopoulos, sosyal medya üzerinden Ergin Ataman ve yardımcılarının istifasını istedi:
"Koçlar, asistan koçlar. Nerede oynadığınızın farkında değilsiniz, burası Panathinaikos!
Atina’ya döndüğünüzde, dönmeye yüzünüz varsa, umarım hepiniz istifa… pic.twitter.com/OWvTO1YcTe
— Aykırı (@aykiricomtr) February 1, 2026
И не сакам да слушам ништо друго! Ниту за Пицилкас, ниту за криминални организации, ниту за ништо! Не потрошив 40 милиони евра за да одиш и да изгубиш од Арис?!“, викаше Јанакопулос во видеото на својот Инстаграм профил.
Тој може да го избрка Атаман, но ќе треба да му плати отштета бидејќи има договор со турскиот стручњак.
Атаман беше исклучен на натпреварот во Солун, но без разлика на тоа, јасно е дека постои проблем во Панатинаикос. Атинскиот гигант пред два дена едвај го победи Асвел во Евролигата, а сезонава никако не може да влезе во победничка серија иако направи можеби најскап тим во моментов во Европа.


