Оклахома Сити Тандер го победи Лос Анџелес Лејкерс со 131-108 во третиот натпревар од полуфиналето на Западот, прв во Калифорнија..
Тандер се на работ да се пласираат во финалето на Западната конференција имајќи предвид дека се во водство од 3-0, а во годинашниот плејоф се без пораз и со биланс 7-0. Аџаи Мичел ја предводеше Оклахома Сити со рекорд во кариерата по постигнати поени во плејофот, завршувајќи со 24 поени и 10 асистенции. Шеј Гилџес Александар додаде 23 поени и девет асистенции.
На спротивната страна, Леброн Џејмс постигна 19 поени, осум асистенции, шест скока и три изгубени топки. Остин Ривс запиша 17 поени и 9 асистенции, додека Руи Хачимура додаде 21 поен.
🏆 PLAYOFF BRACKET 🏆
— NBA (@NBA) May 10, 2026
▪️ @cavs win Game 3 at home
▪️ @okcthunder take 3-0 series lead in West Semis
The NBA Playoffs presented by @Google continue Sunday with 2 games on ABC, NBC, and Peacock! pic.twitter.com/AHSWFa41Mt
Сепак, лошиот шут на главните играчи на Лејкерси (38/81 од поле, 14/30 за три и 16 изгубени топки) и дефанзивната доминација на Тандер не му дозволија на тимот на Џеј Џеј Редик да остане во игра. Уште еднаш се почувствува неиграњето на Лука Дончиќ кој би можел да не заигра до крајот на сезоната.
На Лејкерс им се заканува „метла“, а четвртиот натпревар се игра ноќта помеѓу понеделник и вторник во Лос Анџелес.


