Еден од најголемите македонски кошаркарски талент Андреј Шошкиќ ноќеска го забележа своето деби во НЦАА.
Откако летоска си замина од Работнички, сезонава тој е член на кошаркарскиот тим на Универзитетот Стони Брук кој својот прв меч од новата натпреварувачка кампања го одигра ноќва против Фармингдејл Стејт и славеше со 66-59. Најголема заслуга за триумфот има токму македонскиот репрезентативец кој постигна безмалку третина од поените на својот тим.
Shoshkikj with the steal and the score 🔥
— Stony Brook Men’s Basketball (@StonyBrookMBB) November 4, 2025
💻 https://t.co/FSwIAd8smG (FloCollege)
🌊🐺 x #CAAHoops pic.twitter.com/fPONNo7EGE
На теренот, Шошкиќ помина 26 минути и за тој период реализира 20 поени со кои беше најефикасен играч на натпреварот, со одличен шут од игра – 7/10, вклучувајќи 2/4 за тројка што значи дека за два имаше само едно промашување. Освен тоа, додаде уште четири скока, една асистенција, две украдени и само една загубена топка со што ги заслужи честитките од сите страни.
Shoshkikj lettin' it fly 🎯
— Stony Brook Men’s Basketball (@StonyBrookMBB) November 4, 2025
💻 https://t.co/FSwIAd8smG (FloCollege)
🌊🐺 x #CAAHoops pic.twitter.com/j6ZEBG2YrB
Стони Брук Универзитетот е од Лонг Ајленд, Њујорк и се натпреварува во Костал Атлетик Конференцијата во НЦАА. Својот следен меч го има на 8 ноември против Универзитетот Мејн.


