Македонскиот шампион МЗТ Скопје е најсериозен кандидат да ја замени Цибона во елитната дивизија на АБА лигата ако се оствари сценариото за откажување на поранешниот европски шампион од регионалното натпреварување.
Цибона повторно е во финансиски проблеми како што беше случај години наназад, но за разлика од претходните случаи, сега не се гледа излез од кризата. Ако повторно градот не го спаси клубот, загрепскиот гигант може да остане без настап во АБА лигата за што ќе се разговара на претстојната седница на оваа организација.
UPITAN NASTUP CIBONE U ABA LIGI?!
— Tomislav Horvat (@TomislavHorva20) July 21, 2024
Na idućoj sjednici ABA lige razmatrat će se situacija u vezi Cibone. Postoji realna opcija da Cibona zbog velikih financijskih problema iduće sezone neće nastupati u regionalnoj ligi. U slučaju takvog scenarija Cibonu će zamijeniti MZT Skopje. pic.twitter.com/5ZKc9fdUaN
МЗТ Скопје во таков случај е најсериозен кандидат да ја замени бидејќи беше најдобропласиран тим од несрпските во основниот дел од АБА 2 лигата минатата сезона. Србија веќе има шест претставника и не може повеќе да се „шири“, па македонскиот првак можеби ќе добие шанса да игра со регионалните гиганти.


