Жељко Обрадовиќ доби спектакуларен пречек од навивачите на Панатинаикос пред стартот на новата сезона во Евролигата.
Само неколку минути пред почетокот на натпреварот против Париз, српскиот тренер излезе на теренот во ОАКА арената, а трибините го поздравија со громогласни овации и скандирање на неговото име.
Обрадовиќ им возврати на навивачите со аплауз, во емотивен момент кој го одбележа отворањето на новата евролигашка сезона во Атина. Атмосферата во салата потсети на неговата огромна поврзаност со клубот и неговите навивачи.
𝙏𝙃𝙀 𝙆𝙄𝙉𝙂 𝙄𝙎 𝘽𝘼𝘾𝙆 👑☘️
— Panathinaikos BC (@Paobcgr) September 24, 2026
5,227 days later, Coach Zeljko Obradovic takes his place on our sideline once again. Back where history was written. Back where he belongs. Back HOME. 🙌
One name echoing and pure chills across thousands of voices chanting his name. An iconic… pic.twitter.com/ia0AyasUkE
За Обрадовиќ ова е првиот евролигашки натпревар по враќањето на клупата на Панатинаикос, 14 години по завршувањето на неговиот прв мандат. Тогаш со атинскиот клуб освои пет од своите девет титули во Евролигата – во 2000, 2002, 2007, 2009 и 2011 година.
Пред денешниот натпревар, Обрадовиќ истакна дека неговите мисли се целосно насочени кон подготовката на мечот, нагласувајќи дека личните емоции не се најважни во моментот.
Сепак, начинот на кој го пречекаа навивачите покажа дека неговото враќање во Атина е еден од најемотивните моменти на почетокот на новата сезона во Евролигата.


