Македонскиот репрезентативец Андреј Јакимовски претстојната сезона ќе има нов клуб откако денеска Тренто официјално ја објави разделбата со него.
Такво нешто одамна беше најавена бидејќи 25-годишниот кошаркар доби голем број понуди од европски клубови, дел од нив и од Евролигата.
Grazie Jaki!
— Dolomiti Energia Trento (@AquilaBasketTN) June 22, 2026
The Dolomiti Energia Trentino announces that Andrej Jakimovski has exercised the opt-out clause included in the contract signed in the summer of 2025, which would have kept him with the club through the 2026-27 season
The Club would like to thank Andrej for his… pic.twitter.com/YtlBtUOx2P
„Кошаркарскиот клуб Тренто објавува дека Андреј Јакимовски ја искористи клаузулата за излезе од договорот потпишан минатата година, а која важеше за сезоната 2026/27. Клубот му се заблагодарува на Андреј за неговата посветеност, професионализам и придонес во текот на сезоната помината во црно и бело и му посакува се најдобро. Благодариме, Јаки“, објави Тренто.
И Јакимовски од својата страна се прости од клубот каде ја помина првата професионална сезона во европската кошарка.
„Не можев да си замислам подобро место за почетокот на мојата професионална кариера. Тренто секогаш ќе биде значаен дел од мојата историја“, напиша, меѓу другото, Јакимовски.
имаше одлична сезона во италијанскиот прволигаш со кој настапуваше во тамошното првенство и во Еврокупот. Со тоа го привлече вниманието на европската кошаркарска јавност и постои голема можност идната сезона да направи чекор напред во кариерата и да заигра во Евролигата. До моментов е познат интересот од евролигашот Валенсија, како и од учесниците во Еврокупот, Рома и Наполи.


