Голем инцидент се случи ноќеска во НБА лигата откако во меѓусебниот дуел се степаа играчите на Минесота и Детроит.
Тепашката почна со кошкањето меѓу Рон Холанд и Наз Рид, а кулминираше кога во гужвата се вклучи Донте Дивиченцо. За секунда се создаде голема гужва во која не се знаеше кој кого удира, а епилог на сето тоа е петмина исклучени кошаркари, плус двајца тренери. Предвреме во соблекувална заминаа спомнатите Рид, Дивиченцо и Холанд, како и Ајзеа Стјуарт и Маркус Сасер, а друштво им правеа првиот тренер на Детроит, Џеј Би Бикерстаф и асистентот во Минесота, Пабло Приџони.
The Malice in Target Center – the full incident.
— MrBuckBuck (@MrBuckBuckNBA) March 31, 2025
5 players and 2 coaches were ejected in after a big fight that erupted between the Minnesota Timberwolves and Detroit Pistons.
With many replays
Including reactions by the players, fans, and staff, and staff.
The players that… pic.twitter.com/kZ0SkkfTRj
Целата сцена се одигра на 5-6 метри од новиот сопственик на Тимбервулфс, Алекс Родригез кој по инцидентот пријде од своето место на теренот и повика помош за млад навивач кој несакајќи се најде среде метежот.
На натпреварот имаше дури 12 технички грешки што е најмногу на еден НБА натпревар од 23 март 2005 година. Минесота успеа да направи пресврт откако рано влезе во негатива од 16 разлика и на крајот славеше со 123-104.
РЕЗУЛТАТИ
Њујорк – Портланд 110-93
Милвоки – Атланта 124-145
Минесота – Детроит 123-104
Њу Орлеанс – Шарлот 98-94
Сан Антонио – Голден Стејт 106-148
Филаделфија – Торонто 109-127
Феникс – Хјустон 109-148
Кливленд – ЛА Клиперс 127-122


