Оваа сезона, Џејлен Џонсон оствари трипл дабл во дресот на Атланта Хоукс во декември, за 16 минути и 44 секунди, а сега во негово друштво е и Лука Дончиќ, бидејќи имаше 26 поени, 11 скока и 11 асистенции за помалку од 18 минути, односно за помалку од едно полувреме.
Словенецот го заврши натпреварот со 37 поени, 11 скока, 13 асистенции и три украдени топки со што стана првиот играч во историјата на Лејкерс со трипл дабл во првото полувреме, но и најбрзо, за само 18 минути во игра. Тимот од Лос Анџелес го победи Вашингтон Визардс со 142-111 на гостински терен.
Дончиќ е во одбраното друштво на кошаркари со трипл дабл во првото полувреме, но не е побрз од Јокиќ, Џонсон, па дури ни од третопласираниот на листата. Извесен Џим Такер, кој играл за Сиракјуз пред 70 години, имал трипл дабл за 17 минути против Никс во 1955 година. Тоа долго беше и најбрзиот трипл дабл во историјата, сè додека Никола Јокиќ не го сруши 63 години подоцна.
Лука имаше 16 поени, седум скока и седум асистенции веќе во првата четвртина, а кога се врати во втората, брзо дојде до дабл дабл ефект. Во последните две минути од првото полувреме, собра два скока и го комплетираше својот трипл дабл.


