Српскиот и АБА шампион Партизан неделава беше на турнеја во Австралија каде учествуваше на турнирот „Павлос Јанакопулос“ и се сретна со Панатинаикос и Сиднеј Кингс.
Дуелот со австралискиот тим го одигра утринава и славеше со 93-90, а еден од моментите што го одбележа мечот беше тројката од цел терен на Вања Маринковиќ, на истекот на третата четвртина. Партизан беше преполовен на овој меч бидејќи не играа Бонга, Нтиликина, Покушевски, Тајрик Џонс, Вашингтон и Осетковски.
Vanja Marinković pulled up from way downtown🤯🔥
🎥 Nbl#vanjamarinkovic #kkpartizan #euroleague #nbl #sydneykings #sports #hoops #basketball pic.twitter.com/EeW9Z5a6Fh
— BASKETBALL NEWS AUSTRALIA 🇦🇺 (@AusBballnews) September 21, 2025
Кошот за победа на белградскиот тим го постигна Карлик Џонс на 18 секунди пред крајот. Сиднеј потоа имаше дури три шута за продолжение, но не ги искористи. Паркер и Милтон беа најефикасни кај Партизан со 24, односно 21 поен, а Џејлин Галовеј го предводеше Сиднеј со 20.


