На 93-годишна возраст, денеска почина Френк Лејден, поранешен тренер и генерален менаџер на Јута Џез.
Тренерската функција ја извршуваше од 1981 до 1988 година,а од 1979 до 1987 година беше и генерален менаџер на франшизата од Солт Лејк Сити. Во 1984 година беше прогласен за тренер на сезоната и функционер на сезоната во НБА, но најпознат е по тоа што успеа да го спои најдобриот тандем во историјата на НБА.
The NBA mourns the passing of Utah Jazz legend Frank Layden, an award-winning head coach and basketball executive. His unique sense of humor and genuine kindness made him a beloved figure around the game, including during his time as a WNBA head coach. We extend our heartfelt… pic.twitter.com/5Ts8FysUtI
— NBA (@NBA) July 10, 2025
Таа 1984 година како 16. пик на драфтот го избра Џон Стоктон, а година подоцна и Карл Мелоун како 13. пик. Тандемот Стоктон-Мелоун играше заедно 18 сезони и одбележа една ера како во Јута Џез, така и во НБА лигата. Лејден ја постави основата на екипата која во втората половина од 90. години со Џери Слоун на клупата и Стоктон и Мелоун на теренот, два пати играше во финалето од НБА лигата, но не успеа против Чикаго Булс на Мајкл Џордан. Во 2003 година Стоктон ја заврши кариерата, а Мелоун одлучи да се пресели во Лос Анџелес Лејкерс во својата последна сезона.


