Во Битола на 16 и 17 септември ќе се одржи првиот меморијален кошаркарски турнир „Зоран Петковски – Петкото“, посветен на споменот на поранешниот кошаркар Зоран Петковски.

На турнирот ќе настапат четири екипи, меѓу кои дел од најпознатите македонски кошаркарски колективи. Како што најави КОШ.МК минатата недела, покрај битолски Пелистер, ќе гостуваат уште МЗТ Скопје, МКК Куманово и ТФТ.
Така, љубителите на кошарката ќе имаат можност во два дена да проследат интересни натпревари, но и да бидат дел од настан кој има посебно емотивно значење.
Четири екипи, два дена кошарка и еден голем спомен.


