Италијанската репрезентација остана без селектор откако Џанмарко Поцеко на емотивен начин поднесе оставка на својата функција по денешната елиминација од Словенија, во осминафиналето од Европското првенство.
Контроверзниот стручњак беше селектор од 2022 година, два пати ја водеше репрезентацијата на континенталните шампионати, но не успеа да освои медал иако имаше неколку забележителни резултати.
An incredible, emotional & very candid farewell by Italy coach Gianmarco Pozzecco to NT.
— Antonis Stroggylakis (@AStroggylakis) September 7, 2025
"I can be the worst coach in the world, I don't give a fuck. But as I told my players in locker room, nobody has the respect I have for Italian players.
Nobody will love them more than me." pic.twitter.com/ET3BspzrvT
„Ова беше мој последен натпревар со репрезентацијата и сакам да му се заблагодарам на претседателот кој ми ја даде честа да бидам селектор на Италија. Ова беа најубави моменти во мојот жиивот и голема е честа што ја имав оваа улога во италијанската кошарка“, рече Поцеко по што со непримерен речник им се обрати на присутните новинари.
Тој е прв селектор кој си поднесе оставка на својата функција на Европското првенство. На досегашниот селектор на Црна Гора, Бошко Радовиќ му истече договорот, а српскиот предводник Светислав Пешиќ е обврзан до крајот на септември, но одби самиот да поднесе оставка по елиминацијата од Финска.


