Иако за Лука Дончиќ се крена најмногу галама, словенечкиот ас не е единствена суперѕвезда која си замина од Далас последните години.
Почнувајќи од 2022 година, Мавс се ослободија од тројца кошаркари кои сега се меѓу најдобрите во НБА и со кои, ако остане заедно, можеше да се напаѓа шампионската титула во НБА. Многумина тоа го гледаат како самоуништување на Далас, тим кој лани играше во финалето, но изгледа дека тоа ќе биде краен дострел.
Прв од Тексас си замина летонскиот репрезентативец Кристапс Порзингис кој во 2022 година беше трејдуван во Вашингтон Визардс во замена за Спенсер Динвиди и Давис Бертанс. Во главниот град на САД остана 18 месеци, а потоа се пресели во Бостон каде лани дури и освои шампионска титула.
Истата година, но неколку месеци подоцна, од Далас си отиде и Џејлен Брансон кој сега е суперѕвезда на Њујорк Никс, стандарден Ол стар и еден од најефикасните играчи во лигата. Мавс не сакаа да потпиша богат договор со него, а во исто време таткото на Брансон беше назначен за асистент во Никс, па франшизата од Њујорк му даде 104 милиони долари за четири сезони и тој ја прифати понудата. Оваа сезона тој просечно постигнува по 26,3 поени, 7,5 асистенции и 2,9 скока.
Пред Далас сега е неизвесен период со двајца ветерани во тимот (Кајри Ирвинг и Ентони Дејвис) кои ќе се обидат да почнат нов циклус и да ја однесат екипата во помирни води.


