Италијанскиот репрезентативец Нико Менион официјално е нов играч на Олимпија Милано откако вечерва потпиша повеќегодишен договор со овој клуб.
Преговорите меѓу двете страни траеја повеќе од две недели, во еден момент Олимпија Милано се откажа поради високата отштета што ја бараше Варезе, но на крајот, сепак, е постигнат договор. Сето тоа доаѓа само еден ден откако италијанскиот шампион доживеа дебакл од Тренто во домашното првенство што беше капак на лошите резултати сезонава, како во Евролигата, така и во Лега Баскет.
Nico Mannion a Milano: "Orgoglioso e motivato"
La Pallacanestro Olimpia Milano comunica di aver raggiunto un accordo pluriennale con il playmaker Niccolò Mannion, 1,90, nato a Siena il 14 marzo 2001, proveniente dalla Openjobmetis Varese.
🇮🇹 Comunicato ufficiale 👉🏻… pic.twitter.com/fpY1bFw7NX
— Olimpia Milano (@OlimpiaMI1936) November 4, 2024
„Горд сум и крајно мотивиран што ќе бидам дел од ваков престижен клуб. Му благодарам на Варезе за што направи за мене, а од друга страна ѝ благодарам на Олимпија Милано за укажаната шанса“, изјави, меѓу другото, Менион откако официјално стана играч на миланскиот клуб.
Со потписот за Олимпија, тој се враќа во Евролигата каде последен пат играше во дресот на Басконија во 2023 година, а претходно, две сезони беше член на Виртус. Има и кратко НБА искуство, во дресот на Голден Стејт Вориорс за кого одигра 30 натпревари.
Трансферот на Менион е лоша вест за македонскиот репрезентативец Ненад Димитријевиќ кој сега ќе мора да ја дели минутажата со него и со Леандро Болмаро.


