Машката кадетска репрезентација на Македонија е подготвена за настапот на Европското првенство од Б-дивизијата, кое од 6 до 15 август ќе се одржува во Скопје и Гевгелија.
Селекторот Дејан Стојановски денеска го одреди конечниот список на кошаркари кои ќе се обидат да обезбедат пласман во елитната конкуренција. Првиот натпревар ќе го одиграат утре со почеток од 18:30 часот во спортската сала „26 Април“ во Гевгелија, а влезот за сите љубители на кошарката ќе биде слободен.
Македонските надежи ќе имаат можност пред домашната публика да се борат за што подобар резултат на континенталниот шампионат, со надеж дека ќе го искористат домашниот терен како дополнителен мотив во остварувањето на своите цели.
Очекувањата се младите македонски кошаркари со борбена игра и поддршка од трибините успешно да го отворат Европското првенство и да направат чекор кон остварување на своите амбиции на шампионатот.
СОСТАВ НА МАКЕДОНСКАТА РЕПРЕЗЕНТАЦИЈА
• Александар Зунзуровски
• Илија Коневски
• Александар Котевски
• Јосиф Џолев
• Давид Ристов
• Филип Ѓорѓиевски
• Михаил Анѓеловски
• Војдан Стаменковски
• Дион Шабани
• Игор Трајчев
• Рон Јетиши
• Хамза Драголовчанин
Селектор: Дејан Стојановски
Асистент-тренери:
• Павел Вилев
• Еркан Исмаили
• Александар Спирковски
• Живко Старделов
Кондициски тренер:
• Филип Колевски
Физиотерапевт:
• Сара Ѓорѓевска


