ПАОК приреди големо изненадување во полуфиналето на грчкиот Суперкуп откако го совлада Панатинаикос со 84-82, обезбедувајќи со тоа место во финалето на турнирот.
Драмата во мечот траеше до последната секунда, а херој на ПАОК беше Џеди Осман. Довчерашниот кошаркар на Панатинаикос погоди спектакуларна тројка во самиот финиш за голема победа на тимот од Солун.
ПАОК водеше безмалку цел натпревар, но Силвер Франсиско во последната минута со две тројки го однесе Панатинаикос во предност од 82-81. На ПАОК му останаа околу 15 секунди за напад, топката отиде кај Осман кој од втора шанса постигна тројка за голема победа на неговиот тим.
Cedi Osman at the buzzer for the win!!! ⚫️⚪️🏀#paokbc #ΠΑΟΚ #paok #Osman #Όσμαν #paobc #paopaok #supercup #Greece #basketball #Οσμαν pic.twitter.com/prskXuIlDe
— basket2⃣4⃣ (@basket24gr) September 26, 2026
ПАОК првпат во својата историја ќе игра во финалето од грчкиот Суперкуп, а таму ќе се сретне со Олимпијакос кој денеска немаше проблеми со АЕК и го совлада со 93-80.


