Македонскиот стручњак Емил Рајковиќ веќе во вториот натпревар од својот престој во Турција имаше можност да ја почувствува судиската неправда.
Неговиот Тофаш го доживеа првиот пораз во сезоната откако загуби на гостувањето кај Галатсарај со 91-93, но она што се случуваше во Истанбул е најблаго речено – срамота. На три секунди пред крајот, Блажевич го донесе Тофаш во водство со 91-90, а домашниот тим немаше ни тајмаут, па мораше да ја почне акцијата од под својот кош.
Galatasaray MCT Technic, ligin ikinci haftasında konuk ettiği TOFAŞ'ı, Will Cummings'in son saniyedeki serbest atış sayıları ile 93-91 mağlup etti.
Maç sonunda ise TOFAŞ cephesi ve koç Emil Rajkovic'ten hakemlere yoğun itirazlar vardı. pic.twitter.com/CNYguBhABO
— Ferhat Yeşiltaş (@NeoRock06) October 3, 2025
Нападот го предводеше Камингс кој го помина центарот на теренот и се обидуваше да упати шут, но му избега топката, па не му остана ништо друго, освен да изглуми дека е фаулиран од противничкиот кошаркар Џенгиз за што доби три слободни фрлања. Рајковиќ, кој беше во непосредна близина, тотално збесна и побара челинџ, но јасно беше дека судиите нема да ја сменат својата одлука.
Камингс максимално го искористи подарокот, ги погоди сите три слободни фрлања и му донесе победа на Галатасарај.


