Минесота Тимбервулфс го победи Денвер Нагетс со 112-96 на домашен и поведе со 3-1 во првата рунда од плејофот на Западната конференција.
Натпреварот го одбележа судирот во финишот од натпреварот. Играчот на Минесота, Џејден Мекдениелс, постигна кош со положување на 1,3 секунди до крајот, кога резултатот веќе беше решен и додека другите играчи се поздравуваа на другиот крај од теренот. Ова го налути Никола Јокиќ, кој се стрча кон крилниот напаѓач на Вулфс и почна да го турка и влече за дрес, блиску до домашната клупа. Кошаркарите на двата тима се вклучија во туркањето, а најжестоки беа Јокиќ и домашната ѕвезда Џулиус Рендл, кои беа исклучени.
🚨 Nikola Jokic, Jaden McDaniels'ın maçın skoru belirlenmesine rağmen boş turnike atmasına öfkelendi! pic.twitter.com/gqWzyOsSS5
— Basket Merkezi™ (@BasketMerkez) April 26, 2026
Ајо Досунму одигра натпревар на кариерата и ја донесе Минесота на еден чекор од пласман во следната фаза, постигнувајќи 43 поени иако почна како резерва. Вулфс дојдоа до победата и покрај тоа што се соочија со големи проблеми затоа што во текот на мечот се повредија Ентони Едвардс и Донте Дивинченцо. Постои опасност двајцата да не се вратат повеќе во серијата што ќе биде огромен проблем за Минесота и покрај водството од 3-1.
Денвер повторно беше предводен од Џамал Мареј кој постигна 30 поени и Никола Јокиќ, кој беше блиску до трипл дабл со 24 поени, 15 скока и девет асистенции.
🏆 PLAYOFF BRACKET 🏆
▪️ @OrlandoMagic go up 2-1
▪️ @okcthunder go up 3-0
▪️ @nyknicks tie the series 2-2
▪️ @Timberwolves go up 3-1The NBA Playoffs presented by @Google continue Sunday with 4 games on ESPN, NBC and Peacock! pic.twitter.com/CDLX1aVhrB
— NBA (@NBA) April 26, 2026
Петтиот натпревар од серијата „подобар од четири“ е закажан за понеделник вечер во 4:30 часот по средноевропско време. Сè уште не е познато дали Јокиќ или Рендл ќе бидат дополнително суспендирани.
РЕЗУЛТАТИ
Орландо – Детроит 113-105 (2-1)
Феникс – Оклахома 109-121 (0-3)
Атланта – Њујорк 98-114 (2-2)
Минесота – Денвер 112-96


