Неверојатна сцена е видена синоќа на дуелот меѓу Камерун и Австралија, во второто коло од Светското У19 првенство што се одржува во Лозана.
На 50-тина секунди пред крајот на натпреварот, Камерун водеше со 80-74 и имаше посед, а со тоа и се наоѓаше многу блиску до победата. Сепак, во следниот напад се случи нешто што многу ретко се гледа на кошаркарските терени.
Amadou Seini dunks at his own basket, late in the 4th quarter, with less than 50 seconds remaining in regulation, while his team is up 6 points
Australia U19 vs. Cameroon U19, in the U19 World Cup in Switzerland.I've never seen anything like that before!
The game reached… pic.twitter.com/loPWLWgzPP
— MrBuckBuck (@MrBuckBuckNBA) June 29, 2025
Камерунците изведоа од страна, на својата половина, топката дојде до Амаду Сеини, а тој атрактивно заби, но во сопствениот кош, додека неговите соиграчи гледаа во чудо. Со тоа ја врати во игра австралиската репрезентација која го искористи тој подарок, до крајот на основниот дел од мечот успеа да израмни, а во продолжение дојде до победа од 101-96.


