Како и да заврши вечерашниот натпревар меѓу Панатинаикос и Басконија, конечниот исход ќе биде длабоко во втор план.
Главна тема од него ќе биде тешката повреда што ја доживеа францускиот репрезентативец Матијас Лесор на почетокот на третата четвртина. При една акција на Панатинаикос, Лесор доскокна на стапалото на Чима Монеке, тој беше во движење и го однесе, а притоа настрада ногата на центарот на ПАО.
Panathinaikos forması giyen Lessort çok kötü sakatlandı.. pic.twitter.com/92x3AQJgk3
— Tek Yol FENER (@TekYolFener) December 19, 2024
Лесор остана да лежи на паркетот, притоа викајќи од болка, а неговата повреда предизвика неверојатен молк во арената. Играчите гледаа во неверување, навивачите се фаќаа за глава и плачеа, а на еден гледач дури се онесвестил поради што натпреварот беше во прекин извесен период.
Mathias Lessort's cries of pain were so loud. Everyone in shock in OAKA.
Mathias Lessort stay strong 🙏 pic.twitter.com/DTUBLjaarD
— Eurohoops (@Eurohoopsnet) December 19, 2024
Лесор по неколку секунди стана и на една нога замина во соблекувална, веројатно за неговата состојба да не ја гледа неговиот син кој е присутен на натпреварот. Засега нема точни информации за што се работи, но веројатно во текот на вечерта ќе се знае нешто повеќе.


