Плејмејкерот на Реал, Факундо Кампацо беше исклучен на осум секунди пред крајот на вчерашниот натпревар против Баерн.
Причина за тоа се две технички грешки во краток период. Прво му беше досудена една за флопинг при обид за шут за тројка, а потоа, видно незадоволен од таквата судиска одлука, тргна да се објаснува со судијата. Тој без многу размислување му покажа уште една техничка грешка и го испрати во соблекувална.
CAMPAZZO HAKEMİN ÜZERİNE YÜRÜDÜ 🤯
— Euroleague Time (@euroleague_time) October 3, 2024
EuroLeague'de Real Madrid takımı, ilk haftadan bildiğimiz gerginlikte… Facundo Campazzo, faul beklediği pozisyonda düdük çalmayınca hakemin üzerine yürüdü ve oyundan ihraç edildi. pic.twitter.com/4KbbZIFIft
Во моментот кога беше исклучен, Баерн водеше со 92-89, а потоа Лучиќ шутираше 5/5 од линијата за слободни фрлања и го постави конечниот резултат. Поразот од Баерн беше трет по ред за Реал откако во финалето од Суперкупот на Шпанија загуби од Уникаха, а во првото коло од АЦБ лигата беше совладан и од Ла Коруња.


