Екипата на Денвер Нагетс дојде до петтата позиција на табелата во Западната конференција откако ја оствари четвртата победа во низа, а вкупно шеста оваа сезона.
На домашен терен шампионот од 2023 година беше подобар од Мајами и го совлада со 135-122, повторно на крилјата на Никола Јокиќ. Клучна беше првата четвртина која Нагетс ја добија со 40-27, па во останатите три четвртини резултатот беше израмнет и на крајот остана разликата од 13 поени.
Јокиќ ја потврди одличната форма, остварувајќи го петтиот трипл дабл сезонава, сега со постигнати 30 поени, 13 асистенции и 11 скока. Покрај него се истакнаа уште повратникот во тимот Џамал Мареј со 28 поени и Браун и Портер со по 21 поен.
За Мајами ова беше трет пораз во низ и вкупно петти во осмиот натпревар сезонава. Најдобар во него беше Хиро со 24 поени и 11 асистенции, додека Адебајо и Робинсон постигнаа по 20 поени и 9 скока.
РЕЗУЛТАТИ
Шарлот – Индијана 103-83
Детроит – Атланта 122-121
Орландо – Њу Орлеанс 115-88
Бостон – Бруклин 108-104
Кливленд – Голден Стејт 136-117
Далас – Финикс 113-114
Нјујорк – Милвоки 116-94
Мемфис – Ваšингтон 128-104
Оклахома – Хјустон 126-107
Денвер – Мајами 135-122
Минесота – Портланд 127-102
ЛА Лејкерс – Филаделфија – 116-106
Сакраменто – ЛА Клиперс – 98-107


