Вечерва официјално почнува новата сезона во НБА, а честа да ја отворат ќе има шампионот Бостон против Њујорк и потоа Лос Анџелес Лејкерс против Минесота.
Пред патот за Калифорнија, играчите на Минесота учествуваа во интересна игра со тоа што еден на друг си поставуваа прашања од разни области. „Квизот“ почна со прашања за омилена храна, патики, филмови и серии, а потоа дојде потешкиот дел.
worked better than expected 😂
drop what we should ask next in the replies ⤵️ pic.twitter.com/6rfqlg8obE
— Minnesota Timberwolves (@Timberwolves) October 22, 2024
Дебитантот во екипата Џеси Едвардс праша кој е главен град на државата каде што е роден – Холандија. Можноста да одговара на ова прашање ја доби Леонар Милер кој прво рече дека не знае, а потоа тресна – Данска.
И Руди Гобер постави многу „тешко“ прашање за своите соиграчи: На кој континенте се наоѓа Египет? Мекдениелс рече дека не е во училиште, Рид дека не треба да знае бидејќи игра кошарка, а Дилингем не се ни потруди да одговори.


