Македонскиот репрезентативец Андреј Јакимовски се враќа во европската кошарка, по точно пет години поминати во САД.
Денеска тој стави потпис на двегодишен договор со италијанскиот прволигаш Тренто со што повторно ќе заигра во Италија. Тоа е одлично за македонската репрезентација имајќи предвид тоа што Тренто претстојната сезона ќе учествува во Еврокупот, па Јакимовски ќе биде достапен за националниот тим во ноемврискиот и февруарскиот прозорец.
💥 New addition for Aquila!
Andrej Jakimovski joins Dolomiti Energia Trentino on a two-year deal!
🇲🇰 Macedonian forward with Italian background 🇮🇹, coming off 5 NCAA seasons.
A versatile, high-energy forward is landing in Trento!#WeDieHard #WelcomeAndrej pic.twitter.com/MhsT9I5ADq— Dolomiti Energia Trento (@AquilaBasketTN) July 4, 2025
Јакимовски во Италија ќе настапува како домашен играч затоа што во оваа земја играше во јуниорските лиги и забележа доволно натпревари за да стекне таков статус. Во Тренто тој се сели по пет сезони во НЦАА лигата, како член на Вашингтон Стејт и Колорадо.
Што се однесува до Тренто, последната сезона ја заврши на четвртото место во Лега А по основниот дел, а потоа во првата рунда од плејофот испадна од Олимпија Милано.


