Српскиот репрезентативец Алекса Аврамовиќ официјално ја напушти ЦСКА и од денеска е второ засилување за новиот евролигаш Дубаи.
Такво сценарио тој најави и минатиот месец кога со московскиот тим ја освои титулата во ВТБ лигата, а денеска е претставен како нов член на клубот од Обединетите Арапски Емирати. Пред него, Дубаи го потпиша само Џанан Муса кој се обврза на тригодишна верност за над 10 милиони евра.
Welcome to your new home, Aleksa 🤎🤍🖤 pic.twitter.com/xHLcTjaVMN
— Dubai Basketball (@dubaibasket) July 9, 2025
Покрај нив двајца, во тимот на Дубаи претстојната сезона ќе играат уште Давид Бертанс, Клемен Препелиќ, Авуду Абас, Данило Анѓушиќ и Немања Дангубиќ, а наскоро се очекуваат уште неколку засилувања.
Аврамовиќ со ова се враќа во Евролигата, но и во АБА имајќи предвид дека Дубаи втора сезона ќе настапува во регионалното натпреварување.


