Српскиот и АБА шампион Партизан го донесе и третиот нов играч во пресрет на новата сезона откако вечерва постигна договор со довчерашниот член на Лос Анџелес Лејкерс, Шејк Милтон.
Американецот потпиша на две години и треба да биде големо засилување за „црно-белите“ имајќи предвид дека за седум сезона во НБА лигата одигра вкупно 399 натпревари вклучувајќи ги настапите во основниот дел од сезоната и во плејофот. Во 2018 година беше избран како 54. пик на драфтот од Далас, но веднаш беше трејдуван во Филаделфија каде ги помина првите пет сезони. Откако во 2023 си замина од Пенсилванија, почна неговото шетање, во една година ги смени Минесота, Детроит, Њујорк и Бруклин за лани да потпише договор со Лејкерс каде остана една сезона.
Malik Bendžamin "Šejk" Milton, novi je košarkaš Partizana Mozzart Bet!
— KK Partizan Mozzart Bet (@PartizanBC) July 24, 2025
Dvadesetosmogodišnji američki bek, potpisao je dvogodišnji ugovor sa crno-belima i staviće se timu na raspolaganje od početka priprema za sezonu 2025-26.
Crna strana belog grada pozdravlja Šejka… pic.twitter.com/0n65lcVgXh
Пред четири дена доби отказз од овој тим, па одлучи конечно да ја напушти НБА и да се пресели во Европа каде претстојната сезона ќе дебитира во Евролигата.
Покрај Милтон, Партизан летово се засили со Дилан Осетковски од Уникаха и Џабари Паркер од Барселона, а си заминаа Брендон Дејвис и Балша Копривица. Српските медиуми тврдат дека следен што ќе го напушти клубот е Ифе Лундберг.


