Американскиот интернационалец Фреди Гилеспи идната недела треба да биде претставен како нов играч на Олимпија Милано, соопштија денеска медиумите во Италија.
Шампионот во Лега А беше во потрага по висок играч откако стана јасно дека Џош Нибо ќе отсуствува долго време поради повреда, а под кошевите остана само Дејвид Мекормак кој покажа знаци на несигурност на последните натпревари. Гилеспи треба да ја пополни таа дупка, а со оглед на искуството од настапите во Евролигата, би требало да биде добро засилување.
🚨Olimpia Milano reached an agreement with Freddie Gillespie. A 206 centimetres big man, former Bayern Munich and Crvena Zvezda, in this first part of the season was in the NBL, where he averaged 6.8 points and 5 rebounds with Breakers. The announcement is expected by early next… pic.twitter.com/IAsHpSQKnk
— Alessandro Luigi Maggi (@AlessandroMagg4) November 15, 2024
Минатата сезона тој настапуваше во Баерн и Црвена Звезда, а претходно играше во НБА лигата, во екипите на Торонто и Орландо. По заминувањето од Звезда замина во Нов Зеланд каде во текот на подготовките направи голем скандал, нокаутирајќи противнички играч на пријателскиот дуел со Сиднеј Кингс.


