Селекторот на македонската кошаркарска репрезентација Александар Јончевски од денеска не е тренер на полскиот прволигаш Шлонск.
Разделбата со некогашниот шампион на Полска доаѓа во чуден момент, на шест кола пред крајот на основниот дел од првенството и кога Шлонск се наоѓа на позиција која води во плејинот. Полските медиуми уште вчера почнаа да најавуваат вакво сценарио, но официјалната информација дојде попладнево.
Aleksandar Jonchevski nie jest już trenerem Śląska Wrocław
— WKS Śląsk Wrocław – koszykówka (@WKS_SlaskBasket) April 7, 2025
Umowa z macedońskim szkoleniowcem została rozwiązana. Nazwisko nowego trenera zostanie podane wkrótce.
Więcej informacji ▶ https://t.co/Pwq2SMYv1z#plkpl #HejŚląsk pic.twitter.com/jZVQOPcpxA
Трофејниот македонски стручњак го презеде Шлонск во декември и успеа да го стабилизира, но менаџментот влечеше чудни потези и во февруари продаде двајца од најдобрите играчи во тимот со што му ја отежна работата на Јончевски.


