Навивачите на Панатинаикос не оставаат ништо на случајот и во вторник ќе ги преполнат трибините на ОАКА во „мајсторката“ против Анадолу Ефес.
Резултатот во серијата е 2-2 и победникот од петтиот меч ќе се пласира на завршниот турнир во Абу Даби. Иако доцна синоќа беше познато дека ќе се игра „мајсторка“, Панатинаикос за рекордно време продаде околу 15 илјади влезници за следниот дуел.
𝐒𝐎𝐋𝐃 𝐎𝐔𝐓💥💥
All tickets were gone in 4 hours overnight!
Now we’re counting down to Tuesday!
Be louder than ever before! Make it legendary! 🔜☘️#WeTheGreens #paobcaktor #LiveTheGreenMagic #Club1908 #OneClubOneApp #RoadToAbuDhabi pic.twitter.com/5QSCKd748P
— Panathinaikos BC (@Paobcgr) May 3, 2025
„За четири часа, преку ноќ, распродадени се сите влезници за претстојниот петти натпревар против Анадолу Ефес. Бидете погласни од кога било порано, направете да биде легендарно“, објави Панатинаикос.
Анадолу Ефес веќе еднаш победи во Атина во оваа серија и секако има квалитет да му се спротивстави на актуелниот европски шампион. Што се однесува до ПАО, во слична ситуација беше и лани против Макаби, но успеа да победи во „мајсторката“ со 81-72 и подоцна да ја освои титулата во Берлин.


