Викендов во Шпанија се игра претпоследното коло од основниот дел на АЦБ лигата кое одлучува за многу работи во врска со конечниот пласман на табелата пред плејофот.
Во пладневниот термин се играше дербито меѓу Тенерифе и Валенсија, екипи кои по се изгледа ќе се сретнат и во полуфиналето. Валенсија славеше како гостин со 102-99 и ги задржа шансите за второто место, но мечот го одбележа моментот што се случи кон средината на третата четвртина.
Pedro Martínez tuvo que abandonar el partido mediado el tercer cuarto por un golpe en un balón dividido.
— Gigantes del Basket (@GIGANTESbasket) May 25, 2025
El técnico se ausentó durante unos minutos antes de regresar de cara al último periodo.pic.twitter.com/RIHzMPQKkC
Во главна улога беше тренерот на Валенсија, Педро Мартинез кој настрада од една борба за топка меѓу кошаркари на двете екипи. Тука се најде и еден од судиите, па Мартинез заврши на паркетот, очигледно со некоја повреда.
Поради тоа мораше да замине во соблекувална за да му биде укажана лекарска помош и неколку минути екипата ја водеше неговиот помошник. Мартинез, сепак, се врати во пресрет на последниот период и ја одведе Валенсија до победата.


