Вистински кошаркарски спектакл приредија екипите на Панатинаикос и Фенербахче. Славеше грчкиот тим со 91-90, а завршницата многу наликуваше на неодамнешниот дуел меѓу Партизан и Црвена Звезда.
Фенербахче имаше се во свои раце, предност од два разлика (90-88) и напад на 20-тина секунди пред крајот. Гудуриќ тогаш ја загуби топката, а Мели направи лична грешка, па Слукас од линијата за слободни фрлања го израмни резултатот. На турскиот тим сепак му останаа 11 секунди да организира акција, но Хејс Дејвис избрза и шутираше од неизградена позиција за веднаш потоа да направи непромислен фаул вез Кендрик Нан, на една секунда пред крајот. Американецот погоди едно слободно фрлање и му донесе победа на ПАО, исклучително важна во борбата за пласман во плејофот.
Dramatic moments at the OAKA 🇬🇷
— Fanzonebasket (@fanzonebasket) February 4, 2025
It was a tie but –
Nunn drew a foul with 0.5 seconds left 🤯 pic.twitter.com/FUMyB2EwAh
Панатинаикос остана на петтото место на табелата со биланс 15/10, додека Фенербахче заостана една победа зад лидерот Олимпијакос.
РЕЗУЛТАТИ
Анадолу Ефес – Реал 79-73
Жалгирис – Акба 73-53
Црвена Звезда – Асвел 73-66
Панатинаикос – Фенербахче 91-90
Баерн – Милано 87-70


