Деновиве во Сарагоса се одржува завршниот турнир од женската Евролига, а во центарот на вниманието е турскиот претставник Мерсин.
Вчера, во рамките на четвртфиналето, Мерсин се сретна со францускиот Бурж. Во 15. минута од мечот, при водство на Бурж со 26-21, тренерот на турскиот клуб Ахмет Кандемир доби техничка грешка што толку го изнервира претседателот Сердар Чевинген што вербално ги нападнаа судиите и делегатот.
Интервенирала полицијата која се обиде да го изнесе Чевинген од теренот, но на излегување, тој удрил еден од редарите и полицајците му ставиле лисици на рацете и го клекнале на колена. Опкружен од припадници на редот, претседателот на клубот бил спроведен во полициска станица и му бил изречен 24-часовен притвор.
⛓️💥 Le président de Mersin, Serdar Cevirgen, a été arrêté lors du match contre Bourges.
🚔 Libéré dans la journée, il a passé la nuit en garde à vue et a été présenté à un juge.
— BeBasket (@Be_BasketFr) April 10, 2025
И тука не завршува драмата. Цела ноќ, луѓе од турскиот конзулат и други дипломатски претставници се обидувале да го решат проблемот и да го ослободат Чевинген, но тој е пуштен дури денеска, по ургенции, како што тврди угледниот Лекип, на претседателот на Турција, Реџеп Тајип Ердоган.
Интересно е тоа што и покрај проблемите, Мерсин го ппбеди Бурж со 66-59 и обезбеди пласман во полуфиналето од Евролигата каде ќе се сретне со Валенсија.


