Поранешниот европски шампион Партизан ја заврши сезоната во Евролигата, не успеа да се пласира во плеј-офот, па веднаш почнаа шпекулациите за заминувања на крајот од сезоната.
Андреа Калцони, италијански кошаркарски инсајдер најави промени во црно-белиот играчки кадар и, како што тврди, од Партизан ќе си одат тројца играчи: Френк Нтиликина, Брендон Дејвис и Двејн Вашингтон.
Калцони наведува дека неколку клубови се заинтересирани за Нтиликина, кој долго не играше поради повреди. Се шпекулира дека Асвел е најсериозен во намерата да го доведе. Нтиликина, кој пристигна како значително засилување, но не ги оправда очекувањата, во АБА лигата одигра 17 натпревари, имаше просек од 6,6 поени, 2,4 асистенции и 1,6 скока.
👀🇷🇸Reflections on the future of Brandon Davies. He could leave KK Partizan at the end of the season.
👉Frank Ntilikina is also in doubt for next season. Several teams are interested in him.#EuroLeague #KKPartizan #kkp pic.twitter.com/MNVkneURAI
— Andrea Calzoni (@Andrea__Calzoni) April 5, 2025
Брендон Дејвис имаше многу постабилна сезона. Во Евролигата одигра 32 натпревара со просек од 9,5 поени, 3,2 скока и 1,5 асистенции, додека во АБА лигата на 20 натпревари забележа 7,3 поени, 2,8 скока и 1,4 асистенции. Што се однесува до Двејн Вашингтон, тој испадна од ротацијата на почетокот на март поради низа слаби игри и ноќни излегувања, а Калцони истакнува дека неговото заминување е сигурно.
Партизан веќе ги загуби шансите за плејофот во Евролигата, но му претстои борба за титулата во АБА.


