Главниот град на Обединетите Арапски Емирати, Абу Даби официјално е одреден за домаќин на завршниот турнир од Евролиигата.
Такво нешто беше најавено уште во декември, но денеска доби потврда директно од Евролига. Ф4 ќе се одржи од 23 до 25 мај во Етихад арената во Абу Даби која има капацитет од 12 илјади места. Полуфиналните натпревари ќе се играат на 23 мај од 16 и 19 часот, а мечот за третото место и финалето два дена подоцна од 15 и 18 часот.
Abu Dhabi to host the 2025 Turkish Airlines EuroLeague Final Four! 📢
— Turkish Airlines EuroLeague (@EuroLeague) January 28, 2025
May 23rd-25th 🗓️
Tickets to go on sale on February 26 🎟️ pic.twitter.com/mNErh45aIL
„Благодарност до Абу Даби на довербата во Евролига. Ова е амбициозен проект и одлична можност атмосферата во Евролигата да ја претставиме на нова, сосема поинаква публика. Во исто време, ова партнерство им гарантира свежо искуство на нашите верни навивачи во еден од најмодерните и според туристите најпријателски градови“, рече претседателот на Евролига, Дејан Бодирога.
Покрај, во свечената делегација која го обиколи Абу Даби се уште Владе Дивац, Тони Кукоч, Дино Раѓа, Тедорос Папалукас и Рамунас Шишкаускас. Ова не е првпат Ф4 од Евролигата да се одржува на азискиот континент бидејќи претходно домаќин беше и Тел Авив.


