На четири дена пред почетокот на новата сезона во Евролигата, Партизан и Олимпијакос постигнаа договор за трансфер на францускиот репрезентативец Френк Нтиликина.
По повеќедневни преговори, плејмејкерот, сепак, се пресели во Пиреја, Олимпијакос го реши проблемот со позицијата 1, а Партизан за својот досегашен кошаркар доби 300 илјади евра. На почетокот грчкиот клуб не сакаше да плати, но откако не успеа да најде соодветен играч и со оглед на тоа што се ближи почетокот на сезоната, одлучи да прифати. Меѓу другото, се повреди и Кинан Еванс што беше тежок удар за тимот на Јоргос Барцокас и клубот мораше да реагира.
✍️🏽Η ΚΑΕ Ολυμπιακός ανακοινώνει την απόκτηση του Frank Ntilikina.
——————————————————
✍️🏽Olympiacos BC announces the signing of Frank Ntilikina.#OlympiacosBC #WeAreOlympiacos #TogetherWeFighthttps://t.co/XvURaZgfpA
— Olympiacos B.C. (@Olympiacos_BC) September 26, 2025
Нтиликина дојде во Партизан лани од Шарлот Хорнетс, но не ги оправда очекувањата од него. Во Евролигата просечно постигнуваше по седум поени и две асистенции, но често беше повреден, вклучувајќи и летово, поради што не отпатува на австралиската турнеја. Пред почетокот на подготовките, тренерот Жељко Обрадовиќ го извести дека претстојната сезона нема да ги има улогата и минутажата кои ги очекува Нтиликина што беше јасен знак дека Партизан нема против плејмејкерот да си замине.
#KKPartizan i Olimpijakos su kasno sinoć postigli dogovor u vezi transfera Frenka Nilikine u klub iz Pireja, uz odgovarajuću nadoknadu.🙌🏽
Kompletan posao, biće ozvaničen od strane Olimpijakosa nakon lekarskih pregleda.
Frenk, hvala na svemu! Želimo ti puno sreće u nastavku… pic.twitter.com/BJTBFf6zOe
— KK Partizan Mozzart Bet (@PartizanBC) September 26, 2025
На крајот задоволни се сите три страни: Нтиликина сакаше да си замине, Олимпијакос доби плејмејкер, а Партизан „отштета што одговара“.


