Партизан донесе важна одлука за иднината на клубот и ја продолжи соработката со тренерот Жоан Пењароја.
Шпанскиот стручњак потпиша нов договор со белградскиот гигант, со кој се обврза да остане на клупата на „црно-белите“ до летото 2029 година.
Одлуката беше потврдена на денешната седница на Управниот одбор на клубот, по што Партизан ја информираше јавноста за продолжувањето на соработката. Со овој потег раководството јасно покажа дека има доверба во работата на шпанскиот стручњак и дека сака да изгради долгорочен проект со него.
Đoan Penjaroja 2029. Na sednici Upravnog odbora KK Partizan Mozzart Bet, potvrđena je odluka da se potpiše novi ugovor sa trenerom crno-belih Đoanom Penjarojom i na taj način se produži saradnja do leta 2029. godine. Penjaroja je preuzeo Parni valjak u decembru 2025. godine i do kraja sezone uspeo da crno-bele dovede do finala ABA lige. U aktuelnoj sezoni, u velikoj meri renovirani tim Partizana Mozzart Bet ima učinak od 7 pobeda i 6 poraza na početku Evrolige, dok u regionalnom šampionatu crno-beli imaju šest pobeda i jedan neuspeh. Ovim potpisom, potvrđena je zajednička vizija kluba i trenera u borbi za nove uspehe dostojne imena i ambicija Partizana.
— KK Partizan Mozzart Bet (@PartizanBC) November 21, 2026
Пењароја пристигна во Белград во декември 2025 година, откако го наследи Жељко Обрадовиќ. Иако презеде екипа во исклучително тежок момент, успеа да ја стабилизира и да ја одведе до финалето на АБА лигата на крајот од минатата сезона.
Во актуелното издание на Евролигата, Партизан има седум победи и шест порази, додека во регионалното натпреварување бележи шест победи и само еден неуспех по првите седум средби.
Шпанецот, кој претходно работеше во Барселона, Басконија, Валенсија и Манреса, во Белград доби задача да создаде конкурентен тим способен да се бори за највисоките позиции.


